Prokurori i Shtetit ju njofton se gjatë 24 orëve të fundit nga prokuroritë themelore janë ngritur tridhjetetri (33) aktakuza, kundër tridhjetegjashtë (36) personave.
Gjithashtu, me urdhër të Prokurorit të Shtetit, janë ndaluar pesëmbëdhjetë (15) persona të dyshuar dhe janë paraqitur pesë (5) kërkesa për caktimin e masës së paraburgimit, kundër nëntë (9) personave të dyshuar.
Prokuroria Themelore në Prishtinë, me urdhër të prokurorit kujdestar, në pesë raste të ndara, ka ndaluar gjashtë (6)
persona të dyshuar, ka paraqitur katër (4) kërkesa për caktimin e masës së paraburgimit për tetë (8) persona të dyshuar, si
dhe ka ngritur dhjetë (10) aktakuza, kundër dhjetë (10) personave, për vepra të ndryshme penale.
Prokuroria Themelore në Prizren, ka bërë një (1) kërkesë për caktimin e paraburgimit për një (1) person dhe ka ngritur dy
(2) aktakuza, kundër dy (2) personave.
