Përhapja e koronavirusit në rajonin e Azi-Paqësorit gjithnjë e më shumë po bëhet nga 20, 30 dhe 40-vjeçarët, të cilët nuk janë të vetëdijshëm se janë të infektuar sepse nuk kanë simptoma të forta, deklaroi Organizata Botërore e Shëndetësisë (OBSH).
”Për shkak se shumë nga të rinjtë janë asimptomatikë ose kanë simptoma të buta të Covid-19, ata pa dashje transmetojnë virusin te të tjerët”, theksoi Takeshi Kasai, drejtor rajonal i OBSH-së me qendër në Manila.
“Kjo rrit rrezikun e infektimit për më të prekurit, të moshuarit, njerëzit që jetojnë në zona me popullsi të dendur dhe zona rurale të pa shërbyera mirë”, tha ai në një konferencë për shtyp.
