SHBA-ja planifikon tërheqjen e 11 900 trupave ushtarake nga Gjermania, duke lënë 24 000 nga 36 000 gjithsej, njoftoi sot Sekretari amerikan i Mbrojtjes, Mark Esper.
“Rreth 5 600 anëtarë të shërbimit do të ripozicionohen brenda vendeve të NATO-s, ndërsa 6 400 do të kthehen në SHBA, ku shumica do të kryejnë rotacion dislokimesh në Europë”, tha Esper në një konferencë për shtyp.
“Kjo masë po ndërmerret me qëllim forcimin e NATO-s, sigurimin e aleatëve, përmirësimin e fleksibilitetit strategjik të SHBA-së, si edhe për t’u kujdesur për anëtarët e shërbimit tonë dhe familjet e tyre në proces”, shtoi ai.
