Bashkimi Evropian ka uruar qeverinë e re të Kosovës të udhëhequr nga kryeministri Avdullah Hoti.
Në një njoftim, BE-ja ka theksuar se mezi pret që të t’i avancojnë punët e përbashkëta dhe marrëdhëniet BE-Kosovë.
“Pandemia e coronavirusit do të mbetet një sfidë e përbashkët për të ardhmen e parashikueshme dhe BE-ja do të vazhdojë të qëndrojë pranë Kosovës dhe njerëzve të saj. Ne gjithashtu duam ta shohim Kosovën përpara në rrugën e saj evropiane. Kjo do të kërkojë përpjekje për të vendosur për reforma për të forcuar sundimin e ligjit, e veçanërisht luftën kundër korrupsionit dhe krimit të organizuar, dhe për të promovuar zhvillimin socio-ekonomik”, thuhet në njoftimin e BE-së.
