Që në shikim të parë, duke kaluar pranë Ambasadës së Finlandës në Prishtinë mund ta vëreni se ka diçka që këtë zyrë diplomatike e bënë të dallueshme nga përfaqësitë e shteteve tjera në Kosovë.
Janë Gjina dhe Buqja, dy qen të lezetshëm që kanë gjetur strehë dhe përkujdes në hapësirat e kësaj ambasade.
Të dashur dhe të mirëpritur nga i gjithë stafi kësaj ambasade, por edhe i asaj suedeze me të cilën ndajnë objektin, ata qëndrojnë aty tash e ca vite duke marrë kujdes të veçantë nga Ulla Hittio, shefe e Administratës dhe çështjeve konsullore.
