Laura Passoni, në atë kohë jetonte në Belgjikë. Bashkëshorti i saj e kishte braktisur atë. Aso kohe ajo ishte në depresion të thellë. Konsiderente se zgjidhja e vetme do të ishte feja.
“Vendosa ta krijoj një profil tjetër në facebook që do të shfaqte imazh religjioz. Që do të më mundësonte komunikim me persona religjioz. Pas pak kohe një person rekrutor i ISIS-it më dërgoj ftesë miqësie. Ai më tha që femrat mund të bëhen motra medicinale dhe të ndihmojnë jetimët. Më tregoi që femrat kanë status të veçantë dhe trajtohen me dinjitet. Dhe që femrat mund t’i bashkangjiten ISIS-it dhe të shijojnë parajsën. Më tha që mund të kisha një shtëpi luksoze dhe kuaj dhe që do të kem gjithçka që dëshiroja. Më premtoi që do isha e pasur dhe do të kisha diamantë. Ai më shiti një ëndërr, që do të kisha gjithçka që doja në Siri”, tregon Passoni.
Ashtu si ishte dakorduar me të, ajo nisi lundrimin me anije. Fillimisht kishin ndaluar në Turqi, e më pas në Adana dhe Gaizantep. Ajo tregon se në Gaizantep ISIS-i kishte kontrabandistë që i ërguan në Siri. E vetmja gjë që ajo donte aso kohe ishte të shkonte në Siri dhe të gjente vëllezërit dhe motrat” e reja të islamit.
Mes tjerash, ajo thotë se rekrutori e mbushi me urrejtje për prindërit e saj, për shoqërinë dhe gjithçka tjetër..
“Por, gjithçka që më thanë ishin vetëm gënjeshtra. Femrat atje janë vetëm për të lind. Nuk mundemi të dalim në qytet vetëm . Nuk mundemi të bëjmë pazar. Nuk kemi të holla. Nuk kemi asgjë. Nuk kemi asnjë të drejtë. Ishim të burgosura atje. ISIS-i nuk janë besimtarë të vërtetë. Ende besoj në Islam por e di që ISIS-s nuk kanë të bëjnë asgjë me Islamin. Islami nuk lejon vrasjen e njerëzve të pafajshëm. Me të vërtetë nuk janë Mysliman. Mos ju bashkangjitni. Mos bëni të njëjtin gabim si unë. Sepse e kam shkatërruar jetën time. E rrezikova jetën e djalit tim të vogël. Shkaku im vuajti edhe familja”, e vazhdon rrëfimin ajo.
Passoni thotë se ISIS-i ka për qëllim të ju fus në grackë.
Në qershor të vitit 2014, Laura Passoni dhe djali i saj katër vjeçar shkuan në Siri t’i bashkangjiten ISIS-it.
Në 2015, pas një tentimi të dështuar, ata u arratisën nga Siria. Ajo u kthye në Belgjikë shtatzanë.
Pasi u kthye në Belgjikë ajo humbi kujdestarinë e fëmijëve për tre muaj. Ajo u ndjek penalisht dhe më vonë u lirua me kusht. Bashkëshorti i saj luftëtar i ISIS-it është i burgosur dhe vuan dënim katër vjeçar. Laura e ka të ndaluar të kontaktoj me bashkëshortin e saj.
“ISIS gënjen dhe nuk e tregon të vërtetën e ngjarjeve në Siri. Ata nuk e respektojnë fenë. Ata janë të interesuar vetëm për pushtet”, përfundon ajo.
Laura ligjëron në Belgjikë dhe i paralajmëron të tjerët nga rreziku i manipulimit nga ISIS-i./OxygenPress.info