Në kryeqytetin e Kosovës janë vendosur sot flamuj të Shteteve të Bashkuara të Amerikës. Sheshet e Prishtinës, dhe disa rrugë kryesore, kanë marrë pamje ndryshe me flamuj të aleatit më të fuqishëm që ka Republika e Kosovës.
Të premtën, Kuvendi i Kosovës pritet të votojë për transformimin e Forcave të Sigurisë së Kosovës në Ushtri të Kosovës. E në përkrahje të këtij transformimi ka dalë ambasadori amerikan në Kosovë, Philip Kosnett.
Pamja që ka marrë Prishtina sot, me flamujt e Amerikës, ka ardh si shenjë falenderimi për donacionin miliona euro që Korporata e Sfidave të Mileniumit ka ndarë për Kosovën.
/OxygenPress.info
