Është konsideruar si një farmaci e vogël në shtëpi. Vaji i kokosit ka shumë benefite shëndetësore, si për shembull kujdesi ndaj lëkurës, kujdesi ndaj flokëve, përmirësimi i tretjes dhe rrit imunitetin përkundër infeksioneve dhe sëmundjeve. Ky vaj nuk përdoret vetëm në vendet tropikale, ku plantacionet me vaj kokosi janë të bollshme , por ai përdoret gjerësisht në të gjithë botën e sidomos në Mbretërinë e Bashkuar dhe në Amerikë. Njerëzit kanë zbuluar të gjitha mrekullitë që vaji i kokosit mund të krijojë dhe për këtë arsye ai po krijon popullaritet në të gjithë botën. Le të shohim disa prej benefiteve të tij.
Kujdesi për lëkurën: Vaji i kokosit është një vaj i shkëlqyer për masazh i cili vepron si hidratues për të gjitha llojet e lëkurës, duke përfshirë edhe lëkurat e thata. Ndryshe nga vajrat mineral, vaji i kokosit nuk ka asnjë efekt anësor nëse aplikohet mbi lëkurë. Ndaj është një zgjedhje e sigurtë për të parandaluar tharjen e lëkurës.
E gjithashtu parandalon dhe ngadalëson procesin e rrudhjes së lëkurës. Ndihmon në trajtimin e problemeve të ndryshme të lëkurës duke përfshirë këtu psoriazën, dermatitin, ekzemat dhe infeksione të tjera të lëkurës. Për këtë arsye ai përdoret gjerësisht në produkte si sapunët, locione dhe kremra që përdoren për përkujdesjen e lëkurës.
Kujdesi për flokët
Vaji i kokosit ndihmon në rritjen e shëndetshme të flokëve dhe u jep atyre shkëlqim. Është shumë efektiv në reduktimin e humbjes së proteinave. Flokët tuaj kur vuajnë mungesën e proteinave bëhen të pashëndetshme. Kështu që vaji i kokosit mund të jetë një alternativë shumë e mirë për të trajtuar dhe rigjeneruar flokët tuaj.
Sëmundjet e zemrës
Midis njerëzve është përhapur një ide e gabuar se vaji i kokosit nuk është i mirë për shëndetin e zemrës. Kjo ka ardhur prej idesë se ka shumë yndyra të ngopura. Në të vërtetë vaji i kokosit i vjen në ndihmë zemrës. Ai përmban rreth 50% acid laurik, i cili ndihmon në parandalimin e disa problemeve të zemrës si kolesteroli i lartë dhe presionin e lartë të gjakut dhe redukton problemet me venat e dëmtuara dhe ndërkohë ndihmon që të parandaloni arteosklerozën.
Humbje e peshës
Vaji i kokosit përdoret shpesh për të humbur në peshë. Ai përmban acide gjysmë të ngopura të cilat ndihmojnë për larguar peshën e tepërt. Kërkimet sugjerojnë se vaji i kokosit ndihmon për të reduktuar obezitetin abdominal tek femrat. Është gjithashtu i lehtë për t’u tretur dhe ndihmon në mirë funksionimin e tiroides dhe sistemit endokrinal. Për më shumë rrit metabolizmin, duke favorizuar djegien e më shumë kalorive dhe duke ndihmuar njerëzit mbi peshë që të humbasin peshë.
Shërimi i infeksioneve:
Kur aplikohet mbi zona të infektuara, vaji i kokosit formon një shtresë kimike e cila mbron pjesën e infektuar të trupit nga pluhuri, ajri, nga kërpudhat, bakteret dhe viruset. Vaji i Kokosit është efektiv mbi plagët që mund të keni marrë nëse jeni vrarë diku sepse shpejton procesin e shërimit të indeve të dëmtuara.
