Vendi ynë po vazhdon të mbetet nën dominimin e fushave anticiklonike në lindje të kontinentit, të cilat favorizojnë mot stabil, pa të reshura. Dy ditëve në vijim do të mbretërojë situatë e njëjtë, orëve të paradites me vransira të ulëta dhe mjegull përgjatë viseve të ulëta. Ditën pritet të ketë edhe intervale me diell. Intervale më të gjata me diell parashihen në vise malore.
Nëpër ultësira të mbuluara me vransira të ulëta apo mjegull, temperaturat maksimale mund të jenë më të ulëta për 3C deri 4C.
Koncentrimi i ndotësve ajror, sipas parashikimeve, ditëve në vijim ka një tendencë të rritjes së vlerave, kështu që indeksi i cilësisë së ajrit do të kaloj në vlera të pashëndetshme orëve të mbrëmjes, e gjatë ditës vende-vende mund të zbres edhe përreth vlerave mesatare.
11.11.2020 – Në mëngjes dhe paradite ftohtë, kryesisht vranët dhe mjegull përgjatë ultësirave. Pasdite priten edhe intervale me diell. Përgjatë zonave malore intervale më të gjata me diell. Temperaturat në vise të ulëta 1C deri 12C, e në vise malore 0C deri 11C. Era do të fryj e lehtë nga verilindja 1-3m/s. Indeksi UV: 2.
12.11.2020 – Në mëngjes dhe paradite ftohtë, kryesisht me vransira dhe mjegull nëpër vise të ulëta. Pasdite pjesërisht vranët, me intervale me diell. Në mbrëmje kthjellime. Temperaturat në vise të ulëta 1C deri 12C, e në vise malore 0C deri 12C. Era do të fryj e lehtë drejtimesh të ndryshme 1-2m/s. Indeksi UV: 2.
