Derisa aktakuzën e pakonfirmuar për ish-presidentin Hashim Thaçi dhe kryetarin e PDK-së Kadri Veseli u publikua fillimisht nga Gjykata Speciale, sot ndodhi e kundërta.
Ishin vetë Thaçi dhe Veseli që iu drejtuan publikut për ta njoftuar se kjo aktakuzë tashmë është e konfirmuar dhe se do të marrin rrugën për në Hagë për t’u përballuar me atë që u ngarkuan – për krime lufte.
Megjithatë, Dhomat e Specializuara do të dalin më vonë më informata më të hollësishme për këtë ngjarje që u nxor në kryetitujt e mediave.
