Kryeqyteti i Koresë së Jugut, Seuli, do të fillojë testimin e qenve dhe maceve për COVID-19, nëse pronarët e tyre kanë rezultuar pozitivë, sipas zyrtarit të lartë shëndetësor të qytetit, Park Yoo-mi.
Park tha se ekipi që do të bëjë mbledhjen e kafshëve të qytetit do të vizitojë shtëpitë e pacientëve që janë në karantinë për COVID-19 dhe do t’i testojë kafshët shtëpiake, shkruan CNN, transmeton Klan Kosova.
Çdo qen apo mace që rezulton pozitiv do të futet në karantinë për 14 ditë.
