Anthony Joshua padyshim është ndër boksierët më të mirë në botë, ndërsa vetë britaniku ka deklaruar se synon të ketë edhe suksese tjera, në mënyrë që t’i unifikojë titujt e të gjitha versioneve.
Kampioni i botës në peshën e rëndë në kategoritë IBF, WBO dhe WBA, ka deklaruar sot se ka nisur përgatitjen për t’u përballur me kampionin tjetër të botës, amerikanin Deontay Wilder (mban titullin e kategorisë WBC).
Në këtë mënyrë, ai ka hedhur poshtë mundësinë për t’u ndeshur me Vladimir Klitchkon, diçka për të cilën është folur gjatë ditëve të fundit.
