Infrastrukturat e nevojshme të transportimit të 32 ekipeve të Botërorit 2022 do të jenë të gatshme dy vite para fillimit, garantoi sot një ministër i Katarit, që nuk është angazhuar për projektin e pritjes së 48 ekipeve.
Ministri i Transportit dhe Komunikimit, Jassim Saif Ahmed Al Sulaiti deklaroi se “Katari mund të respektojë afatet, ndonëse fqinjët e tij të Gjirit vazhdojnë t’i imponojnë një bllokim ekonomik”.
“Do të ishim më të shpejtë pa bllokimin, por edhe nëse mbahet, gjithçka do të jetë gati dy vite para evenimentit”, theksoi ai në Gjenevë, përcjell Atsh.
