Në kuadër të aktiviteteve kulturore për shënimin e festës kombëtare, 28 Nëntorit, Kryeministri i Republikës së Kosovës, z. Avdullah Hoti, ndau Plaketë Nderi për Ansamblin Kombëtar të Këngëve dhe Valleve “Shota”.
Ky ansambël sot shënoi 70- vjetorin e veprimtarisë artistike me një ekspozitë të veshjeve kombëtare të trevave të ndryshme shqiptare. Kryeministri Hoti tha se ata që kanë vendosur ta themelojnë ‘’Shotën’’ pikërisht në këtë datë, e kanë bërë me simbolikë të veçantë.
Në kuadër të aktiviteteve për shënimin e Ditës së Flamurit, Kryeministri Hoti morri pjesë edhe në ekspozitën, Rrëfim biografik për jetën dhe veprën e Anton Çettës.
