Sulmuesi kolumbian Radamel Falcao kulmin e tij si futbollist e ka arritur tek Atletico Madrid, me të cilën skuadra e tij aktuale, Monaco, u takua të mërkurën në kuadër të fazës së grupeve në Ligën e Kampionëve.
Kolumbiani luajti vetëm në 7 minutat e fundit, ndërsa nuk shënoi as nga penalltia, derisa Atletico Madrid shënoi fitore me rezultat 2:0.
Pas ndeshjes, ai nuk e ka përjashtuar mundësinë që sërish të kthehet te skuadra spanjolle. “Kurrë nuk e dimë çfarë do të ndodhë në të ardhmen. Atletico gjithmonë do të mbetet në zemrën time, por nuk e di, ndoshta sapo të përfundojë kontrata ime me Monacon…”, ka thënë kolumbiani.
