Janë zhvilluar tri ndeshjet e fundit të javës së 29-të në Ipko Superligë.
Skuadra kryesuese, Drita ka vazhduar serinë e fitoreve, duke e mundur Feronikelin, me rezultat 2:1, në ndeshjen e zhvilluar në stadiumin e qytetit në Gjilan. Kësisoj, Drita e ka përforcuar pozitën e parë në renditje, me pesë pikë më shumë se ndjekësi më i afërt, Ballkani, kur kanë mbetur edhe katër javë deri në mbyllje të këtij kampionati.
Golat për Dritën i shënuan Erjon Vucaj (35’) dhe Fidan Gërbeshi (67’-pen), derisa golin e barazimit të përkohshëm për Feronikelin e realizoi Besmir Bojku (55’). Befasinë e kësaj jave e përgatiti Vushtrria, e cila ndonëse tashmë i ka humbur shpresat për mbijetesë arriti t’ia marrë një pikë Trepçës’89 në stadiumin “Riza Lushta” (1:1), duke ia vështirësuar dukshëm skuadrës mitrovicase punët për sigurimin e mbijetesës.
