Kombëtarja e Kosovës do të luajë ndeshjen më vendimtare deri më tani të enjten.
Kosova do të përballet me Maqedoninë e Veriut të enjten në Shkup, me fillim nga ora 20:45, në kuadër të gjysmëfinales së Play Offit të Ligës së Kombeve.
“Dardanët” nuk do t’i lënë të vetëm lojtarët e Kosovës – pasi do t’i përcjellin ata tek Hani i Elezit – para kësaj beteje të rëndësishme.
Ja njoftimi i sekretarit të Dardanëve, Lorik Beeisha.
“Nesër prej orës 09:30 takohemi te parkingu i Viva Fresh te Hani Elezit, me i përcjell djemtë tanë në luftën kundër maqedonëve. Përpos maskave edhe distancës, me veti merrni shalla,bakla, flamuj.
PERPARA KOSOVË, PËR FITORE
NE HUMBJE E FITORE ME TY”, shkruajnë Dardanët.