Nga Ferid Selimi
Ali (Kadri) Aliu i njohur si Ali Gollça lindi në Preshevë në vitin 1926. Ishte djali më i vogël nga gjashtë fëmijët sa kishte Kadri Gollomehu. Si çdo familje tjetër preshevare, edhe kjo familje merrej me bujqësi dhe njiheshin si blegtorë të mirë.
Qysh si i ri dallohej për shkathtësitë̈ e tij biznesore. Diku rreth vitit 1949, ku ishte në moshën e pjekurisë̈, nis prodhimin e fshesave të dorës, veprimtari që e bën deri në vitin 1954. Më pas, në vitin 1954 në Kumanovë nis të ndjek zanatin për përgatitjen, pjekjen dhe paketimin e leblebiave, farave, kikirikëve, etj. Me të marrë këtë zanat hap shitoren e tij për shitjen e këtyre prodhimeve në qendër të qytetit, përballë gjimnazit të atëhershëm, objektit të Komunës së sotme. Përderisa frekuentonte tregjet në rajon, nisi të interesohej për prodhimin e tekstilit e konfeksionit.
