Shkrirja e akullnajave në Zvicër ka arritur nivele rekord pasi vala e të nxehtit në vitin 2019 u regjistrua si më e larta në histori.
Një komision i Akademisë Zvicerane të Shkencave raportoi se shkrirja e akullnajave këtë vit çoi në humbje të mëdha të vëllimit të akullit.
“Akullnajat e Zvicrës janë reduktuar me 10% gjatë pesë viteve të fundit”, theksoi Akademia Zvicerane e Shkencave.
Akademia theksoi se sasia e dëborës dhe shkrirjes së akullnajave zvicerane gjatë periudhës dy javore të nxehtësisë ekstreme këtë qershor dhe korrik ishte e barabartë me gjithë konsumin vjetor të ujit të pijshëm të vendit.
Sipas akademisë, veçanërisht në pjesën lindore të Zvicrës dhe në pjesën veriore të Alpeve humbjet e vëllimit të akullit ishin më të larta se mesatarja për dekadën e fundit.