Kur lind një vajzë, i tërë fshati mblidhen dhe mbjellin 111 drunj për nder të saj.
Ky është fshati “Pipilantri”. Njihet si fshati ekologjik.
“Pipilantri” ndodhet në qarkun Rajsamand në distriktin Rajasthan, në Indi.
111 drunj për lindjen e një vajze!
U bë i njohur me iniciativën e mbjelljes së 111 drunjve sa herë që një vajzë lind.
Iniciativë kjo që inkurajon fuqizimin e gruas dhe rritë vetëdijesimin për mbrojtjen e mjedisit.
Kjo iniciativë u mirëprit nga vendasit, ani pse bëhet fjalë për një vend ku lajmet flasin për gra të dhunuara, vajza të martuara pa dëshirën e tyre apo të keqtrajtuara.
Madje, kjo u bë shembull edhe për vendet tjera përreth.
Për këta njerëz, vite më parë lindja e një vajze nënkuptonte fat të keq, kjo u ndryshua në vitin 2006 kur të parit të fshatit i vdiq vajza e tij Kiran.
Që nga ajo kohë fati i keq u përmbys dhe lindja e vajzave festohet me 111 drunj të mbjellur nga prindërit, gjyshërit dhe familjarët e afërm të vajzës.
Mesatarisht çdo vit në këtë fshat lindin 60 vajza, ndërsa gjatë viteve njerëzit këtu kanë arritur të mbjellin më shumë se një çerek milion pemë në pjesën e kullotave të fshatit.
E kjo gjë përveç se ka ndikuar pozitivisht në ambientin e vendit gjithashtu ka ndikuar në rritjen e ekonomisë .
Përveç mbjelljes së drunjve, fshatarët kontribuojnë me 20,000 rupi në mënyrë kolektive, ata marin edhe 10,000 rupi nga familjarët për siguri financiare dhe i depozitojnë në mënyrë që të sigurohet e ardhmja e këtyre vajzave.
Qasja në këtë llogari, u mundësohet kur ato t’i mbushin 20 vjet.
Për t’u siguruar që vajzat të marrin edukimin e duhur, fshatarët i bëjnë prindërit të nënshkruajnë një deklaratë që i kufizon ata që ta martojnë vajzën para se ajo të arrijë moshën ligjore për martesë.
“Eko-feminismi” në këtë vend kishte rezultate shumë të mirë./OxygenPress.info
