Finlandë- Është vetëm 34-vjeç por tashmë do të drejtojë një shtet të tërë, Finlandën. Fjalën e kemi për Sanna Marin, e cila është kryeministrja më e re në botë. 34-vjeçarja u zgjodh për të udhëhequr qeverinë, pas dorëheqjes së Antti Rinne.
Kush është Sanna Marin?
Ajo është e diplomuar në master në Shkencat Administrative në Universitetin Tampere. Kur ishte 27 vjeç u bë kryetare e këshillit të qytetit të vendlindjes së saj. Në 2015 u bë deputete dhe më pas ministre e Transportit. Marin do të jetë kryeministrja e tretë femër në vendin nordik. 34-vjeçarja do të udhëheqë një koalicion të qendrës së majtë me pesë parti të kryesuara nga gra.
