Të gjithëve na ka ndodhur të paktën një herë ose më shumë të përballemi me një ditë të vështirë. Na duket sikur asgjë nuk po shkon mirë. Shpesh herë i dëgjojmë njerëzit të thonë: “O ditë e tmerrshme sot”.
Për të kuptuar se si do të shkojë dita e tyre, shumë njerëz bazohen te parashikimi i yjeve apo vendosin besimin te besëtytnitë për të kuptuar se si do të shkojë dita e tyre.
Këto nuk janë të vërteta. Të gjitha ditët janë krijuar njësojë. Por ja që shpeshherë gjërat ndërlikohen por nuk është faji i ditës. Në vend që të përdorni strategji për të gjetur zgjidhje pranojeni atë si çdo ditë tjetër. Ka disa mënyra se si mund ta përballojmë më lehtë një ditë të keqe;
E para: Pranojeni atë si çdo ditë tjetër
Shpesh na ndodh të fajësojmë të tjerët dhe veten kur diçka nuk shkon mirë. Në vend që të gjeni fajtorin përpiquni ta kaloni lehtë atë situatë.
Në çdo kohë jemi thirrur të bëjmë të mirën, në ditë të mira dhe të vështira.
Sa më shpejt ta kapërceni atë situatë të vështirë aq më shpejt do të bëni përpara.
Përpiquni ta kuptoni se çfarë mësuat nga ajo situatë e vështirë dhe çfarë mund të bëni ndryshe në të ardhmen, në mënyrë që të shmangni incidentet dhe problemet që ju dalin përgjatë ditës.
Dil, shkëputu për një moment
Ndonjëherë duke shtuar një grimcë spontaniteti ndihmon për të ndryshuar ditën tuaj të keqe dhe të ngarkuar. Kjo bën që t’ju sjellë në humor të mirë.
Trajtojeni veten me një kafe, ose merrni 5 minuta kohë për të dalë jashtë për të marrë ajër ose mund të lexoni diçka motivuese në mënyrë që të vazhdoni përpara me pjesën tjetër të ditës.
Bëni diçka, jeni ju që mund ta ndryshoni rrjedhën e ditës tuaj.
Qeshni me zë të lartë
Është shumë e rëndësishme të jeni në humor çdo ditë.
E qeshura ju jep fuqi për të ndryshuar gjendjet negative, në pozitive. Buzëqeshja është si një armë që lufton pengesat që na dalin përpara. Qeshni, edhe pse në atë moment do të ndiheni qesharakë ose të trishtuar, pasi më vonë do të kuptoni aftësinë tuaj për të lëvizur përtej gjendjes negative që pushton ditën tuaj.
