Papa Françesku deklaroi se ka pranuar një letër nga presidenti i Venezuelës, Nicolas Maduro dhe shtoi se Vatikani është i gatshëm të ndërmjetësojë për krizën në Venezuelë nëse të dyja palët e kërkojnë këtë gjë.
Në takimin me gazetarët në avion, gjatë kthimit nga Abu Dabi, papa theksoi se megjithatë ende nuk e ka lexuar letrën.
Maduro deklaroi se i ka dërguar papa Françeskut një letër, duke kërkuar prej tij ndihmë në procesin e lehtësimit dhe përforcimit të dialogut mes palëve në Venezuelë.
