Më datën 4 shkurt, në Project Space, do të shfaqet dokumentari”Ferdonija”.
Ky dokumentar më pas do të përcillet me një diskutim, ku Gazmendi Bajri, i cili edhe punoi këtë dokumentar, do të rrëfej më shumë për procesin e punës gjatë realizimit të këtij dokumentari, shkruan OxygenPress.
“Gati pas dy dekadave nënat gjakovare nuk kanë as edhe të vetmin shpjegim ose dëshmi për fatin e fëmijëve e burrave të tyre! Ato kërkojnë që të zbulohet çfarë ka ndodhur me të dashurit e tyre, të zbulohen rrethanat e vrasjes dhe zhdukjes së tyre, të zbulohet ku prehen trupat e tyre dhe t’u mundësohet, së paku, rivarrim i dinjitetshëm e human”, thuhet në njoftimin e këtij eventi.
