Liridona Asllani është ndër pak shqiptarë, të cilët e ushtrojnë profesionin e juristëve në Zvicër. Ajo i ka mbaruar studimet bachelor e master në Fakultetin Juridik të Universitetit të Bazelit, më të vjetrit në Zvicër.
Veçoria e Liridonës qëndron tek fakti se, ndonëse është rritur në Zvicër, ajo asnjëherë nuk e ka harruar prejardhjen e saj, duke ofruar gjatë tërë kohës ndihmë e këshillim falas për familjet shqiptare që jetojnë atje.
“Shumë shqiptarë kanë nevojë për ndihmë juridike, sidomos familjet të cilat nuk qëndrojnë mirë ekonomikisht, me gjuhë apo me të arritura personale. Për mua jo vetëm se është obligim moral njerëzor, por është kënaqësi t`i ndihmoj pjesëtarët e komunitetit tonë në zgjidhjen e konflikteve të ndryshme dhe hapjen e dyerve të zhvillimit personal dhe familjar”, u shpreh ajo.
