Derisa po afrohen festat e fundvitit, po rritet përdorimi i mjeteve piroteknike nga ana e të rinjve në Kosovë.
Forca e Sigurisë së Kosovës në bashkëpunim me Ministrinë e Arsimit, dhe Drejtoritë Komunale të Arsimit, ka organizuar fushatë vetëdijesimi nëpër shkollat fillore të Kosovës me qëllim të ndërgjegjësimit të nxënësve për rrezikun që mund të shkaktojë përdorimi nga ana e tyre i mjeteve piroteknike.
Fushata është realizuar nga data 10 deri më 19 dhjetor 2018 dhe janë përfshirë nxënës të shkollave fillore të Prishtinës, Mitrovicës, Pejës, Gjakovës, Prizrenit, Ferizajt, Gjilanit dhe Dragashit.
