I Dërguari i Posaçëm i BE-së për dialogun Kosovë-Serbi, Miroslav Lajçak është shmangur edhe pasi është pyetur se pse nuk e përmend që si epilog i këtij procesi do të jetë njohja reciproke në mes të dyja vendeve.
“Ne po negociojmë normalizimin e marrëdhënieve në mes të Kosovës dhe Serbisë. Nuk më bie mua që ta përkufizojë se çfarë nënkupton kjo”, ka thënë Lajçak para gazetarëve.
“Jemi këtu që të gjejmë normalizimin dhe këtu jam vetëm ta lehtësoj procesin. Nuk më bjen mua ta them atë. Nuk jam në pozitë që ta dua marrëveshjen më shumë se Kosova dhe Serbia. Nëse nuk ka marrëveshje nuk do të ketë normalizim të marrëdhënieve”.
