Kosova ka arsimin më të dobët në Europë, shkruan gazeta prestigjioze zvicerane

0
24

Gazeta prestigjoze zvicerane “Neu Zurcher Zeitung”,  ka publikuar një shkrim rreth gjendjes së arsimit në Repbulikën e Kosovës.

“Shkollat më të këqija në Evropë”, është titulli i këtij shkrimi të gazetës zvicerane kushtuar arsimit në Kosovë.

Në këtë shkrim thuhet se gjendja e arsimit në Kosovë, vjen si pasojë e elitës kosovare dhe politizimit të personelit nëpër shkolla.

Në lexim, në matematikë ose në shkencat natyrore, në të gjitha disiplinat, nxënësit kosovarë kanë dalë më keq të gjitha shkollat në pjesën tjetër të Evropës.

“Duhet të bëjmë më shumë,” thotë Liridon Maliqi. Ai është drejtor i shkollës fillore publike “Qamil Batalli” në Prishtinë.

Ai ishte i vetëdijshëm se ka shumë për t’u përmirësuar në shkollat e Kosovës, por rezultatet e Pisës ishin shumë të këqija dhe befasuese, thuhet në shkrimin e NZZ.

Më shumë se 700 fëmijë ndjekin shkollën e Maliqit. Infrastruktura nuk lë asgjë për të dëshiruar.

Ka ende shkolla ku fëmijët duhet të mësojnë në ndërrime sepse nuk ka hapësirë të mjaftueshme për shkollë.

Drejtori i shkollës, Maliqi, gjithashtu sheh zhvillime pozitive pavarësisht rezultateve të dobëta të Pisës, shkruan NZZ.

“Kurrikula e re është një hap i rëndësishëm për ne”, thotë ai, duke shtuar se “Në dhjetë vjet mund të krahasojmë me Gjermaninë”.

Veçanërisht e dukshme është mungesa e menaxhimit të cilësisë në Universitetin e Prishtinës, universiteti më i madh në vend. Organizata joqeveritare lokale Orca pas një hulumtimi erdhi në përfundimin se 72 për qind e profesorëve në universitet nuk i përmbushin kriteret minimale për gradën e tyre akademike.

Sipas aktivistëve të Orcës, rektori i ngarkuar i Universitetit të Prishtinës duhet gjithashtu të ketë botuar artikuj në revista të dyshimta shkencore dhe nuk kanë qenë mjaft të kualifikuar për t’u promovuar në profesor, sipas kushteve të përcaktuara në statutin universitar .

LEAVE A REPLY

Please enter your comment!
Please enter your name here