Zbulohet një super-tokë

0
65

Një super-Tokë u zbulua në një orbitë rreth një ylli fqinj me sistemin diellor, një botë “e ftohtë dhe e errët”, jomikpritëse për jetën ashtu siç e njohim, sipas një studimi të publikuar sot në revistën “Nature”.

Ky planeti i sapo zbuluar, i quajtur Ylli b i Barnardit, u gjet në yjësinë e Ofiukusit, rreth yllit Barnard që është rreth gjashtë vite dritë larg Tokës (një vit dritë është 9 460 miliardë kilometra).

“Ky është vërtetë fqinji jonë dhe ne pëlqejmë, në përgjithësi, të takojmë fqinjët tanë”, deklaroi Ignasi Ribas që punon në Institutin e Studimeve Hapësinore të Katalonjës dhe Instituti Spanjoll i Shkencave të Hapësirës (ICE-CSIC), që është bashkautor i këtij studimi,shkruan Atsh.

Afërsia e këtij planeti jep shpresa që do të mund të studiohet më në imtësi me krijimin e instrumenteve të reja vëzhguese që janë me performancë më të lartë.

Ky planet, i kapur nga Observatori Europian Austral (ESO) që ndodhet në Kili, vjen rreth yllit të tij për 233 ditë.

Sipas studiuesve, Ylli b i Barnardit ka një masë 3,2 herë më të madhe se sa e Tokës dhe për pasojë merr emërtimin superTokë./OxygenPress.info

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu