Xhaka parashikon sukses të Arsenalit

0
54

Granit Xhaka është shndërruar në njërin nga futbollistët më të rëndësishëm të Arsenalit.

Mesfushori shqiptar beson se, shpirti kolektiv do t’i sigurojë skuadrës një vend në “top 4” vendet e para të Premier League, për këtë sezon.

Xhaka formën e tij të mirë e konfirmoi edhe në derbin e madh anglez, Arsenal – Liverpool, që përfundoi me barazimin 1:1.

Ai është shprehur i kënaqur edhe me punën dhe qasjen e trajnerit Unai Emery.

“Ne e dimë çfarë kërkojmë në secilën ndeshje, e analizojmë mirë rivalin, ndërsa trajneri Emery është duke na ndihmuar shumë. Me gjëra të vogla dhe teknike, ai ka ndryshuar shumë lojën tonë. Karakteri ynë tani është më i fortë. Edhe nëse jemi duke pësuar humbje, e rikthejmë rezultatin, ashtu siç bëmë kundër Liverpoolit. E dinim se nuk do ta humbim atë ndeshje dhe loja që bëmë na tregon se jemi në gjendje të renditemi në mesin e katër skuadrave të para”, është shprehur Xhaka.

Ai e ka lavdëruar shumë edhe bashkëlojtarin e tij, uruguaianin  Lucas Torreira./OxygenPress.info

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu