Alan Shearer është ndër sulmuesit më të respektuar në historinë e Ligës Premiere. Shkëlqimin më të madh e ka pasur te Newcastle, skuadër me të cilën nuk ka fituar trofe, por gjithsesi luajti rol shumë të rëndësishëm në futbollin anglez.
Alex Ferguson pati tentuar dy herë ta transferonte bomberin legjendar te Manchester United, por dy herë ai e refuzoi. Shearer e urren Manchester Unitedin dhe ai thotë se emocionet e tij nuk kanë ndryshuar sot e kësaj dite.
Një tifoz e pyeti në “Twitter”, nëse ai ishte penduar që nuk kishte firmosur për United dhe 48-vjeçari i shkroi: “KURRË. Nuk i duroja atëherë dhe nuk i duroj as tani”.
