Kur COVID-19 ishte në fillimet e saj në pranverë të vitit të kaluar, shumë ekspertë paralajmëruan për rrezikun që paraqitet nga prekja e sipërfaqeve të ndryshme.
Studimet e bëra treguan se virusi mund të mbijetojë për disa ditë në çelik, plastik ose inoks. Qendrat për Kontrollin dhe Parandalimin e Sëmundjeve këshilluan që nëse dikush prek një nga këto sipërfaqe të ndotura dhe më pas prek sytë, hundën ose gojën ata mund të infektohen, raporton New York Times, transmeton Klan Kosova.
Mirëpo epoka e “pastrimit të thellë” mund të ketë ardhur në fund jozyrtar këtë javë, kur Qendra për Kontrollin dhe Parandalimin e Sëmundjeve i përvetësoi udhëzimet e saj të pastrimit të sipërfaqeve dhe tregoi se rreziku për infektim të virusit nga prekja e sipërfaqeve të ndotura është më pak se 1 në 10 mijë raste.
