Që nga viti 1970, njerëzimi ka zhdukur rreth 60 për qind të gjitarëve, zogjve, peshqve dhe zvarranikëve. Duke bërë që ekspertët kryesorë në botë të paralajmërojnë se asgjësimi i kafshëve të egra tani është një emergjencë që kërcënon qytetërimin.
“Ne jemi duke ecur pa vetëdije drejt humnerës”, tha Mike Barrett, drejtor ekzekutiv i shkencës dhe konservimit në WWF.
Vlerësimi i ri i masakrës së kafshëve të egra bëhet në një studim të madh nga WWF dhe përfshin 59 shkencëtarë nga e gjithë bota. Studimi tregon se konsumi i madh dhe në rritje i ushqimit dhe burimeve nga njerëzit po shkatërron sistemin e jetës, që është ndërtuar për miliarda vite.
