Belgjika shtrëngon masat kundër koronavirusit ndërsa rastet rriten

0
391

Belgjika duket se do të jetë vendi më i fundit evropian që tërhiqet nga vendimi për të lehtësuar masat e izolimit për të parandaluar përhapjen e koronavirusit, duke ndaluar potencialisht aktivitetet me rrezikun më të lartë të jetës së natës dhe duke i udhëzuar punonjësit të punojnë kryesisht nga shtëpia.

Komiteti i Konsultimeve të Covid-19 në vend, i cili përcakton masat e shëndetit publik, pritet të aprovojë një strategji për të marrë nën kontroll numrat në rritje të rasteve me COVID-19.

Masat e propozuara nga një panel zyrtar këshillues përfshijnë pezullimin për një muaj të aktiviteteve publike në ambiente të mbyllura si jeta e natës, eventet e kërcimit, sportet dhe grumbullimet studentore. Puna nga shtëpia gjithashtu do të bëhet e detyrueshme deri në festat e fundvitit.

Megjithatë, mbetet për t’u parë nëse këto masa do të zbatohen.

Pavarësisht shkallës së lartë të vaksinimit prej 75 për qind, numri i rasteve është në rritje dhe ngarkesa në spitale po rritet. Që nga e hëna, 533 persona kanë qenë nën kujdesin intensiv të mjekëve, krahasuar me 418 një javë më parë, sipas shifrave zyrtare.