Konsulli i Përgjithshëm i Republikës së Maqedonisë së Veriut në Toronto të Kanadasë, z. Ilir Islami nëpërmjet një deklarate për media i ka bërë thirrje komunitetit shqiptar në Kanada për regjistrim në censusin kombëtar. Regjistrimi i popullsisë së Maqedonisë së Veriut do të jetw i hapur deri nw 30 shtator te ketij viti.
“Të nderuar qytetarë të Maqedonisë së Veriut, regjistrimi i popullatës ka hyrë në fazën përfundimtare ku pa përjashtim të gjithë Ju duhet të bëheni pjesë e këtij procesi të rëndësishëm që përfundon më 30 shtator. Sipas Ligjit për regjistrimin e popullsisë, shtetasit e lindur në Maqedoninë e Veriut por që jetojnë më shumë se një vit jashtë vendit kanë mundësinë e regjistrimit online”- thuhet nder te tjera ne thirrjen publike te konsullit.
Ai shprehet se me aktin e regjistrimit, përmes një angazhimi fare të vogël, komuniteti i bën shërbimin më të madh vendit te origjinës, “andaj të dashur qytetarë, Ju bëjmë thirrje gjithsecilit prej jush, REGJISTROHU!”
