Monday, September 20, 2021
BallinaArtNanë, ma gjej nji njeri t’lumtun…

Nanë, ma gjej nji njeri t’lumtun…

Nga Xhejlane Terbunja
Jam rrit nanë
Asnji ninullë, as përrallë nuk po ma bjen gjumin.
Sytë, m’janë lodh tuj i mbyll’ me forcë çdo ditë nanë, për mos me pa çka s’duron shpirti.
Goja, m’asht’ lodh tuj e shtyp me du’r për mos me bërtit, mos me ua prish’ rahatinë t’tjerëve.
Vesh’t m’janë lodh prej vajit t’njeriut, nanë.
Jam lodh sepse nanë ;
Ai i puth f’mijët n’ballë, gru’n në buzë dhe nis ditën e tij.
Ai pin krejt natën me shokët e tij , ban dashni me t’dashurën dhe kthehet n’shpi.
Ai i përqafon f’mijët e tij , puth gruan në buzë dhe andrron për lumtuni…
Jam lodh sepse nanë;
Ai menon që ka t’drejtë me ia marr’ frymën nji gruaje që u dha frymë f’mijëve t’tij…
Sepse nanë , ai menon që tuj e përbuz’ , dhunu e vra nji gru’ asht’ burrni…
Burra që u lindën nga nji grua,
U ushqyen prej gjinit t’saj,
U ledhatu’n prej dorës s’saj,
U përqafu’n me ngrohtësi nga gjoksi i saj,
U mesu’n t’ecin tuj u mb’shtet te kamb’t e saj …
K’ta burra nanë, janë po të njëjtit që m’bajnë me vaj.
Sytë e mi janë t’lodhun tuj mos pa lumtuni.
Goja ime asht’ e lodhun tuj mos pas fuqi me nda drejt’si.
Vesh’t e mi janë t’lodhun tuj mos ndigju asnji kangë për dashni…
Nanë ,
A je e lumtun ti?!
Xh.Tërbunja
( inspiru nga ndodhite e perditshme te gruas )
Painting/Piktura : “Naked Soul”
Nga duart e magjishme dhe shpirti i mire e kreativ i te veçantes Fitore Alísdóttir Berisha 🦄💙
- Reklama -
ARTIKUJ TË NGJAJSHËM

MË TË SHIKUARAT