Wednesday, September 22, 2021
BallinaArt"Një grua që ka bashkuar të gjitha kontradiktat për të mbijetuar"

“Një grua që ka bashkuar të gjitha kontradiktat për të mbijetuar”

Njoh një grua
që nuk beson në dashuri..
Por, brenda vetes
beson
se meriton të dashurohet!
Njoh një grua
e cila mund të të japë një mijë arsye për të jetuar
por në fund të ditës, ajo kthehet
në qoshkën e saj, duke kërkuar, si çdo ditë tjetër
një arsye për ta mbajtur gjallë!
Njoh një grua
të heshtur, shumicën e kohës
ndërkohë që sytë e saj
flasin parreshtur, gjatë gjithë kohës.
Njoh një grua
trimëreshë para njerëzve
por e brishtë para pasqyrës së saj..
Njoh një grua
aq të ngurtë, saqë e pandeh shkëmb
Por me ngurtësinë e jashtme
ajo mbron brishtësinë e zemrës së saj të butë.
Njoh një grua
në njërin sy i banon dielli
në tjetrin hëna
Në qoshet e buzëve të saj
çelin lule
kurse në duart e saj shtrihën rrënjët e tyre.
Njoh një grua
që jep jetë
Një grua që ka bashkuar të gjitha kontradiktat
për të mbijetuar.
Përktheu nga arabishtja: Elmaz Fida
- Reklama -
ARTIKUJ TË NGJAJSHËM

MË TË SHIKUARAT