Xhudistja Distria Krasniqi, ka thënë se ndjehet shumë e lumtur që ka fituar në Lojërat Olimpike në Japoni të vitit 2020.
Ajo në një konferencë për media me xhudistet tjera pjesëmarrëse ka thënë se ka qenë e vështirë për ta mposhtë japonezen, Funa Tonaki.
“E di që Kosova nuk do të shkojë e vetëm me medaljen time në shtëpi, jemi 11 kandidatë nga vendi ynë për në Tokio, Kosova do të ketë edhe ndonjë medalje tjetër. Unë jam shumë e lumtur. Fitoren ia dedikoj vendit tim, trajnerit, ekipit dhe gjithë Komitetit Olimpik si dhe familjes sime”.
