Autoriteti francez i konkurrencës ka vendosur një gjobë rekord prej 500 milionë eurosh ndaj Google, gjiganti amerikan aktiv në fushën e teknologjisë së informacionit.
Autoriteti francez pretendon që kompania amerikane nuk ka negociuar “me mirëbesim” me botuesit e shtypit në lidhje me zbatimin e të ashtuquajturave të drejta të lidhura.
Google gjithashtu do të duhet të “paraqesë një ofertë shpërblimi për përdorimin aktual të përmbajtjes së mbrojtur” nga botuesit dhe agjencitë e lajmeve, nëse nuk dëshiron të pësojë mega-sanksione të tjera.
