Kryeministri i Kosovës, Albin Kurti po vazhdon të qëndrojë në vizitë zyrtare në Greqi ku këtë të marte u takua me ministrin e Jashtëm, Nikos Dendias, ku temë kryesore ishin marrëdhëniet Kosovë – Greqi.
Gjatë takimit, Kurti tha se Greqia dhe Kosova duhet të forcojnë marrëdhëniet bilaterale për shkak të lidhjeve të gjata historike dhe qëllimit të përbashkët për një të ardhme më të mirë në Ballkan.
“Kurti tha se njohja e pavarësisë së Kosovës do t’i kontribuonte paqes dhe sigurisë në rajon. Kryeministri theksoi edhe rëndësinë që ka përkrahja e shtetit grek për liberalizimin e vizave për qytetarët e Kosovës”, thuhet në komunikatë, transmeton Klankosova.tv.
