Wednesday, September 22, 2021
BallinaAnkandViktima dhe mijëra hektarë pyje të djegur pas temperaturave ekstreme

Viktima dhe mijëra hektarë pyje të djegur pas temperaturave ekstreme

Digjen mijëra hektarë tokë në perëndim të SHBA, ku një valë ekstreme e nxehtësisë ka sjellë temperatura rekord.

”Komunitete të tëra janë evakuuar ndërsa zjarrfikësit luftojnë flakët edhe në situata ekstreme”, raporton BBC.

Në Arizona, dy zjarrfikës vdiqën në përplasjen e avionit të tyre, ndërsa përpiqeshin të shuanin zjarret.

Temperaturat më ekstreme u regjistruan në Las Vegas me 47,2 gradë Celsius.

”Të paktën 78 persona humbën jetën javën e kaluar pas temperaturave ekstreme në Uashington”, njoftoi Departamenti amerikan i Shëndetit.

- Reklama -

Një valë të nxehti ka përfshirë Paqësorin Veriperëndimor në fund të qershorit.

Departamenti theksoi se ”shumica e vdekjeve ndodhën në kontetë King dhe Pierce. Konteja King ka raportuar të paktën 15 vdekje, ndërsa ajo e Pierce konfirmoi 12 vdekje të lidhura me nxehtësinë”.

”Dita më vdekjeprurëse e valës së të nxehtit ishte 29 qershori, kur humbën jetën 33 persona”, sipas këtij departamenti.

Nxehtësia është shpesh një vrasës i heshtur që përkeqëson kushtet bazike shëndetësore.

Mbetet i habitshëm fakti që vetëm një pjesë e vogël e atyre që vdesin kanë si shkak hiperterminë, thënë ndryshe momenti kur trupi mbinxehet në mënyrë të rrezikshme./ATSH

ARTIKUJ TË NGJAJSHËM

MË TË SHIKUARAT