Ministrja e Punëve të Jashtme dhe Diasporës e Republikës së Kosovës, znj. Donika Gërvalla, ka zhvilluar sot një bisedë virtuale me homologun e saj nga Republika e Maldiveve, z. Abdulla Shahid.
Ministrja Gërvalla e uroi ministrin e Punëve të Jashtme Shahid për zgjedhjen si Presidenti i 76-të i Asamblesë së Përgjithshme të Kombeve të Bashkuara. Bashkëpunimin dypalësh ajo e cilësoi si shumë premtues dhe pozitiv.
Gërvalla shprehu mirënjohjen e Qeverisë së Kosovës për mbështetjen e vazhdueshme nga ana e Maldiveve, një shtet ky miqësor dhe mjaft proaktiv.
