“Syri i zjarrit” u konsiderua nëpër media një ngjarje tronditëse e të premtes, pamjet e të cilës u bënë virale në rrjete sociale.
Zjarri në Gjirin e Meksikës në oqeanin Atlantik, në perëndim të gadishullit Yucatan u shua, sipas njoftimit të kompanisë shtetërore të naftës, Pemex, e cila tregoi se shkaku ishte një rrjedhje gazi nga një tubacion nënujor.
U deshën më shumë se pesë orë që zjarri të shuhej plotësisht, sipas Pemex. Ai filloi në një tubacion nënujor që lidhet me platformën Ku Maloob Zaap për zhvillimin e naftës, më e rëndësishmja e kompanisë, thanë katër burime për Reuters.
