Partia Demokratike e Kosovës ka zgjedhur sot Memli Krasniqin, kryetar të saj të ri.
Zgjedhja e tij pasoi me votim të hapur, njofton Klan Kosova.
469 delegatë të konventës së dhjetë zgjedhore të PDK-së kanë votuar për zgjedhjen e Memli Krasniqit në krye të Partisë Demokratike të Kosovës.
Kundër zgjedhjes së tij në krye të kësaj partie votuan gjashtë delegatë, kurse një ka abstenuar.
Ky është kryetari i tretë me radhë i PDK-së, pas themeluesit, ish-presidentit Hashim Thaçi dhe ish-kryeparlamentarit Kadri Veseli.