Thursday, September 23, 2021
BallinaAnkandNë ditët e para të korrikut rënie e temperaturave dhe mundësi për...

Në ditët e para të korrikut rënie e temperaturave dhe mundësi për reshje shiu

Ditëve të para të muajit korrik, masa më të freskëta ajrore pritet të shtrihen mbi rajon e vend, që largojnë të nxehtin e ku zbresin temperaturat më përreth vlerave mesatare. Poashtu priten edhe mundësi për zhvillime të rrebesheve me bubullima, sidomos ditën e premte që mund të jenë më të shpërndara në vend.
Ditëve të fundjavës do të ketë edhe vransira dhe intervale me diell, të shtunën me mundësi për riga lokale shiu, e ditën e diel përreth viseve malore me mundësi për zhvillime të rrebesheve të shiut.
Pluhuri saharian, që depërtoj me të nxehtit këtyre ditëve të fundit të qershorit, në ditët e ardhshme largohet nga jugu i rajonit, gjë që do të ndikoj në përmirësimin e cilësisë së ajrit, ku indeksi i cilësisë së ajrit do të jetë kryesisht rreth vlerave të pranueshme dhe të mira.
Indeksi i rrezeve UV do të jetë kryesisht në vlera shumë të larta, por edhe të larta, prandaj në këto kushte përgjatë orëve të mesditës, nga ora 10 deri 16, preferohet të mos qëndrojmë gjatë në rreze të diellit.
1.07 – Mbetet nxehtë. Paradite me diell. Ditën do të ketë zhvillime të vransirave, e më vonë pasdite vende-vende edhe rrebeshe me bubullima.
2.07 – Më freskët, me vransira dhe intervale me diell. Nga mesdita priten zhvillime të rrebesheve me bubullima.
3.07 – Vransira dhe intervale me diell gjatë ditës. Mundësi për riga lokale shiu.
4.07 – Pjesërisht vranët. Pasdite përreth viseve malore mundësi për rrebeshe me bubullima.
5.07 – Vransira dhe intervale me diell.
Temperaturat në ditët e ardhshme pësojnë një rënie përreth vlerave mesatare. Temperaturat minimale luhaten nga 13C deri 15C, e maksimalet deri të shtunën zbresin në 26C, e të dielen shkurtimisht rriten deri në 29C, për të pësuar rënie ditën e hënë në 26C.
Të enjten do të fryjë erë mesatarisht e fuqishme nga jugperëndimi 7-15m/s, e nga e premta ndryshon drejtimin dhe frynë nga krahu verior me shpejtësi 4-12m/s.
Shtypja atmosferike ditën e enjte zbret nën vlera mesatare, e më pas me tendencë të rritjes mbi vlera normale.
- Reklama -
ARTIKUJ TË NGJAJSHËM

MË TË SHIKUARAT