Wednesday, September 22, 2021
BallinaBIONgrënia e darkës në këtë kohë do të ndihmojë në uljen e...

Ngrënia e darkës në këtë kohë do të ndihmojë në uljen e sheqerit në gjak dhe djegien e dhjamit

Lufta për të mbajtur një peshë të shëndetshme rritet me kalimin e moshës ndërsa metabolizmi ynë ngadalësohet dhe gjërat duket se nuk funksionojnë ashtu si dikur.

Mbajtja e niveleve të sheqerit në gjak në një gamë të shëndetshme është edhe një gjë tjetër që duhet t’i kushtojmë më shumë vëmendje ndërsa kalon koha. Ne e dimë se ajo që vendosim në trupat tanë ka një ndikim të madh në të dyja këto gjëra, por studimi i ri sugjeron që nuk ka të bëjë vetëm me atë që hamë, por kur e hamë atë.

Agjërimi i përhershëm dhe ushqimi i kufizuar në kohë shpesh vijnë në biseda përreth shëndetit, peshës trupore dhe sheqerit në gjak. Gjithnjë e më shumë hulumtime mbështesin idenë se kur hamë vaktet tona është po aq e rëndësishme sa ajo që po konsumojmë në dietat tona.

Dhe tani, rezultatet nga një studim i ri i botuar në Journal of Endocrine Society’s Journal of Clinical Endocrinology & Metabolism kanë demonstruar se kur bëhet fjalë për darkë, më herët është më mirë për disa aspekte të shëndetit tonë, përkatësisht nivelet e sheqerit në gjak dhe metabolizmin e yndyrës.

Studiuesit nga Universiteti John’s Hopkins kishin për qëllim të zbulonin nëse ngrënia e darkës më vonë në të vërtetë shkaktoi shtim në peshë dhe nivele më të larta të sheqerit në gjak, pasi që hulumtimet e mëparshme kanë demonstruar vetëm një lidhje midis ngrënies vonë dhe mbipeshës.

- Reklama -

Për studimin, u vlerësuan 20 vullnetarë të shëndetshëm (10 meshkuj dhe 10 femra). Studiuesit analizuan se si metabolizmi i vullnetarëve u ndikua nga ngrënia e darkës në 10 të mbrëmjes kundrejt ngrënies në orën 6 pas dite, dhe shkimi në shtrat në orën 11:00 Pjesëmarrësit kishin bërë skanime të yndyrës trupore paraprakisht.

Gjatë eksperimentit ata kishin veshur gjurmues të aktivitetit për të monitoruar gjëra të tilla si gjumi dhe rrahjet e zemrës, kishin gjak të tërhequr për të monitoruar nivelet e glukozës në gjak, metabolizmin e tyre të dhjamit e kishin të monitoruar me diçka të quajtur një gjurmues të lipideve orale dhe u ishin dhënë të njëjtat vakte për të ngrënë për të siguruar saktësinë të gjetjeve.

Për çudi, studiuesit zbuluan se ngrënia e darkës së vonë shoqërohej me nivele më të larta të sheqerit në gjak dhe metabolizëm më të ulët të yndyrës. Rezultatet e tyre sugjeruan që edhe kur njerëzit hanin të njëjtin vakt, duke ngrënë darkë në orën 22 rezultuan në nivele sheqeri në gjak që u rritën deri në 20 përqind, ndërsa djegia e dhjamit u zvogëlua me sa 10 përqind krahasuar me darkën e hershme. Në një deklaratë , një nga autorët e studimit, Chenjuan Gu, PhD, tha: “Efektet që kemi parë tek vullnetarët e shëndetshëm mund të jenë më të theksuara tek njerëzit me mbipeshë ose diabet, të cilët tashmë kanë një metabolizëm të kompromentuar”.

Pra, nëse nuk keni qenë tashmë të bindur se ngrënia e darkës më herët ishte më e mirë për shëndetin tuaj, ky studim tregon se është e vërtetë. Mundohuni ta konsumoni darkën tuaj deri në orën 6 të pasdites, veçanërisht nëse zakonisht shkoni në shtrat deri në orën 11 të mbrëmjes, dhe mund të jeni të sigurt se po bëni gjëra të shkëlqyera për trupin tuaj. /Telegrafi/

ARTIKUJ TË NGJAJSHËM

MË TË SHIKUARAT