Kryeministri Albin Kurti e ka pritur në takim Presidentin e Fondacionit Austriak të Planit Marshall, Wolfgang Petritsch.
Ata në këtë takim kanë diskutuar për proceset dhe zhvillimet politike në Kosovë dhe rajon, njofton Zyra e Kryeministrit, transmeton Klankosova.tv.
“Ndër të tjera, u shkëmbyen mendime për takimin e 15 qershorit në Bruksel për dialogun e ri ndërmjet Kosovës e Serbisë dhe propozimet e kryeministrit Kurti. U diskutua edhe për rëndësinë e bashkëpunimit dhe koordinimit në mes Bashkimit Evropian dhe Shteteve të Bashkuara të Amerikës për një proces që garanton njohjen reciproke në mes Kosovës dhe Serbisë”, thuhet në kumtesë.
