Arkitekti arbëresh Carlo Mazzei kandidon për të qenë të krye të bashkisë më të madhe në Romë, komuna VII. Ai është në mesin e dy rivalëve të tij, Francesco Laddaga dhe Alessandro Luparelli. Mazzei ka lindur në Catanzaro dhe në moshën 18 vjeçare është zhvendosur në Romë. Hapat e parë në politikë Mazzei i nisi si kreu i Forumit Rinor në Partinë Demokratike. Mazzei është gjithashtu sekretar i njërës prej degëve PD-së në “La Spezia”.
Carlo përpos rrugës që ka ndërtuar falë punës së tij, përfaqëson edhe vlerat e familjes, fisit të vet dhe të mbarë arbëreshëve të Kalabrisë e jo vetëm – qytetarë të denjë të shtetit italian.
Bashkëqytetarët e tij shprehen me konsiderata të larta për Carlo Attilio Mazzei. Ai ka spikatur si koordinator në këtë fushatë elektorale që ka bërë histori, sepse i ka sjellë një “pranverë” të re Kalabrisë, duke përcjellë bukurinë e të bërit politikë me shembullin personal, me përulësi, e përkushtim të vazhdueshëm, me guxim dhe vizion edhe në kontekstin e këtyre kushteve të vështira.
