Presidentja e Komisionit Evropian, Ursula Von Der Leyen përmes një letre urimi dërguar presidentes Vjosa Osmani ka konfirmuar angazhimin e KE-së rreth procesit të liberalizimit të vizave për kosovarët.
Zyrtarja e lartë evropiane në letër, më tej ka shkruar se perspektiva kredibile e BE-së për Ballkanin Perëndimor mbetet prioritet i Komisionit Evropian, duke potencuar edhe pritshmëritë për një bashkëpunim në thellimin e marrëdhënieve me BE-në. Ajo po ashtu theksoi rëndësinë e reformave dhe procesit të dialogut.
Tutje, Von Der Leyen, e ka potencuar rëndësinë e liberalizimit të vizave për qytetarët e Kosovës, duke e konfirmuar angazhimin e Komisionit Evropian për avokim në drejtim të marrjes së një vendimi pozitiv nga ana e BE-së për liberalizimin e vizave për qytetarët e Kosovës.