Nga Shoqata e Industrisë së Qumështit të Kosovës
Sot është dita botërore e qumështit ku në shumicën e vendeve kjo ditë shënohet me aktivitete të ndryshme duke përfshirë sektorin e qumështit në organizimin e panaireve të ndryshme duke sensibilizuar qumështin si produkt strategjik të një shteti. Për fat të keq është viti i dytë që tek ne nuk është organizuar dhe shënuar kjo ditë ndërkombëtare nga përpunuesit e qumështit të Kosovës.
Edhe pse vullneti nga shumica e përpunuesve ekziston, mirëpo Institucionet tona deri më tani nuk i japin rëndësinë e duhur kësaj industrie. Edhe ashtu Industria përpunuese e qumështit ka zhvilluar veprimtarinë e vet me sfidat e veta nëpër vite .
